← All books
AMPKIKUYUKJVNIVNKJVNLTNRSV
1HĨNDĨ ĩo Ayubu agĩcokia akiuga atĩrĩ,
2Maũndũ ta macio nĩndĩkĩiguĩte maingĩ: inyuothe mũrĩ o athathayani a kĩnyamaro!
3Ũhoro wa mũhũhũtĩko-rĩ, no ũrĩthira? wee nĩ ũndũ ũrĩkũ ũratũma wambarare ũgakĩnjokeria?
4Niĩ na niĩ ndahota kwaria o ta ũguo mũraaria; ngoro cianyu ingĩrĩ harĩa ngoro yakwa ĩrĩ, ndahota kũmũrathĩkanĩria ciugo o na ndĩmũinagĩrie mũtwe arĩ niĩ.
5Kanua, o na niĩ ndamũũmĩrĩria nako, ũhorerania wakwa wa mĩromo o naguo no kũmũhoreria.
6Ningĩ, o na ndaaria, kĩeha gĩakwa gĩtikũhorereka, na ndegiria, nĩ ũndũ ũrĩkũ ndaahũthĩrio?
7Ĩndĩ rĩu We nĩa’nogetie, akandua hinya: thiritũ yakwa yothe, Ngai, nĩũmĩkirĩtie ihooru.
8Na niĩ nĩ kũngũgũnyaria ũngũgũnyarĩtie, ũguo ũtuĩke ũira wa gũtũma ’hootwo, ũhĩnju ũyũ ndĩ naguo ũgakĩnyambararĩra, ũkanyumbũra ndĩ o ho.
9Nĩ kũndambura arandambura nĩ ũrĩa arakarĩte; atuĩkĩte o wa kũ’nyarira; kũhagarania nĩa’hagaranagĩria magego; mũmuku ũcio wakwa nĩ kũngũũrĩra angũũragĩra maitho.
10Andũ-rĩ, nĩ gwathamia manjathamagĩria tũnua twao; mangũthaga ikai o makĩnjukaga; manyũnganĩire magakĩ’harũkagĩra o hamwe.
11Mũrungu nĩa’nenganĩrĩte harĩ arĩa ithagathago, agakĩnjikia moko-inĩ ma andũ arĩa aaganu.
12Ndaikaire o ’horoheirũo, nake akĩrika kũmbebera; ĩĩ, nĩguo, nĩ kũnyita aa’nyitire ngingo, akĩndemania ngĩhehenjeka: ningĩ nĩ kũ’handa a’handĩte nduĩke cabaa wake wa kũrathagwo.
13Mĩguĩ yake ĩkũngora yumĩte mĩena mĩena; nĩanjatũranĩtie o higo gatagatĩ, na ndaigue tha; gwata nyongo yakwa agakĩmĩita thĩ.
14Andũrangĩte akanjĩkĩra mĩahuha o handũ na handũ; akanguthũkagĩra na nditi ta njamba ya hinya.
15Rũũa rũa mwĩrĩ wakwa nĩndumĩrĩire makũnia, naruo rũhĩa rũakwa ngarũkomia tĩri-inĩ.
16Ũthiũ wakwa nĩ gũthũkio ũthũkĩtio nĩ kũrĩra, na imone-inĩ ciakwa nĩhokĩte nduma ta ya gĩkuũ.
17Na itakĩrĩ na ũndũ wa ũtoi moko makwa mekĩte, o na mahoya makwa no makembu.
18Wee thĩ ĩno-rĩ, menya gũkahumbĩra thakame yakwa, nako kayũ gakwa menya gũkareka kone ha kũhurũkĩra!
19Atĩrĩ, o na rĩu mũira wakwa e ho matu-inĩ, kũu igũrũ-rĩ, nĩkũrĩ ũngĩnjirĩrĩra.
20Arata akwa no kũndenda marandenda, ĩndĩ maitho makwa maraita maithori harĩ Ngai,
21Etĩkĩre gũtiirĩrĩra kĩhooto kĩa mũndũ harĩ Ngai, o na kĩa mũrũ wa mũndũ harĩ ũrĩa ũngĩ matũũrainie.
22Amu tũmĩaka tũngĩ tũnini twahinga, nĩngagera njĩra ĩrĩa itagacoka kũhũndũka.
Sign in to highlight verses and keep them in sync with the mobile app.