← All books
AMPKIKUYUKJVNIVNKJVNLTNRSV
1Na gũgĩkinya atĩrĩ, atĩ Jeremia aarĩkia kũhe andũ othe ũhoro wothe wa ndũmĩrĩri ĩo ya Jehova Ngai wao, o ĩo yatũmĩte Jehova Ngai wao amũrekie kũrĩ o, o ndeto ciothe ciayo-rĩ,
2Azaria wa Hoshaia, na Johanani wa Karea, me na andũ othe arĩa etĩi, makĩaria, makĩĩra Jeremia atĩrĩ, Wee nĩ maũndũ ma maheni ũraaria; Jehova Ngai witũ ndakũreketie uuge ũũ, atĩ mũtigũthiĩ Misiri mũkarĩĩre ũgeni kuo;
3no nĩ Baruku wa Neria ũgũkunyĩte ũtũũkĩrĩre, nĩ getha tũneanwo moko-inĩ ma Akalidei, matũũrage, kana matũrindũre matũtware Babuloni.
4Tondũ ũcio Johanani wa Karea, na anene othe a mbũtũ cia ita, o na andũ arĩa angĩ othe, magĩkĩrega kũigua uuge wa Jehova, atĩ nĩguo maikare o kũu bũrũri wa Juda.
5No Johanani ũcio wa Karea, o na anene othe a mbũtũ cia ita, makĩnyita matigari mothe ma andũ arĩa maatigarĩte kũu Juda, o acio maacokete kuo moimĩte ndũrĩrĩ-inĩ ciothe kũrĩa maahurunjĩirũo, magacoka gũtũũranga bũrũri wa Juda,
6arũme, na andũ-a-nja, na ciana, na airĩtu a athamaki, o na mũndũ o wothe ũrĩa Nebuzaradani, mũnene wa arangĩri, aatigĩte moko-inĩ ma Gedalia wa Ahikamu wa Shafani, na Jeremia ũrĩa mũnabii, na Baruku wa Neria;
7nao magĩgĩthiĩ bũrũri wa Misiri, nĩ ũndũ matiigana kũigua uuge wa Jehova, magĩkinya Tahapanihesi.
8Hĩndĩ ĩo ndũmĩrĩri ya Jehova ĩgĩkinyĩrĩra Jeremia o kũu Tahapanihesi, akĩĩrũo atĩrĩ,
9Oya mahiga manene na guoko gwaku, ũmaare thĩ mathingĩtwo na ndaka matubarĩ-inĩ marĩa maarĩtwo nja hau itonyero-inĩ rĩa nyũmba ya Firauni, o gũkũ Tahapanihesi, andũ a Juda makĩĩonagĩra;
10ũcoke ũmere atĩrĩ, Jehova Mũnene wa Ita, o we Ngai wa Isiraeli, ekuuga ũũ: Atĩrĩrĩ, nĩ kũrekania ngarekania, Nebukadirezaru, mũthamaki wa Babuloni, agĩĩrũo, o ũcio ndungata yakwa, nakĩo gĩtĩ gĩake gĩa ũthamaki ndĩkĩigĩrĩre mahiga maya njarĩte thĩ; nake aambithie hema yake ya ũnene igũrũ rĩamo.
11Ningĩ nĩagoka ahũre bũrũri wa Misiri; nao andũ arĩa maathĩrĩirio gũkua nĩmagakua, nao a gũtahwo matahwo, o nao a kũũragwo na rũhiũ rũa njora moragwo.
12Nacio nyũmba cia ngai cia Misiri nĩngacimundithia mwaki, nake acicine, na atahe ngai icio; nake aikare o ta arĩ kwĩhumba ehumbĩte bũrũri wa Misiri, o ta ũrĩa mũrĩithi ehumbaga nguo yake; nake acoke oime kuo na thayũ.
13O na ningĩ nĩakoinanga itugĩ cia kũhoyũo cia kũu Bethi-shemeshi, bũrũri wa Misiri, nacio nyũmba cia ngai cia Misiri acicine na mwaki.
Sign in to highlight verses and keep them in sync with the mobile app.